«Өзімшіл ген» – Ричард Докинздiң 1976 жылы жазған эволюция туралы танымал ғылыми шығармасы. Бұл еңбегінде Докинз жәндіктерден адамға дейінгі бүкіл жануарлар әлемінің эволюциялық және мінез-құлық процестерін талдау арқылы эволюция стратегиясына қатысты өзіндік көзқарасын ашық көрсетеді. Мінез-құлықтың биологиялық негіздері және оның табиғи іріктеудегі рөлі кеңінен қарастырылады. Кітап керемет қызықты презентация стилімен жазылған. Бірінші басылымы халықаралық бестселлерге айналып, 13 тілге аударылды, әлемде биологияны оқытуда кеңінен қолданылады. Докинз мәдени эволюциямен қатар, қоғамдағы идеялардың, технологиялардың, діндердің дамуын да зерттеген. Кітап тек әлеуметтік биология мамандарына емес, сонымен бірге адамның ғаламдағы орны туралы білуге ынтық оқырмандар үшін де қызықты.