Балалар арасында түрлі қызықты ойындардың басында санамақ айту әлемде кеңінен таралған. Ойынды әсерлі өткізу үшін қолданылатын балалар фольклорына тән бұл жанр жазба әдебиетімізде де жалғасын тауып, түрленіп келеді. Ойын үстінде сандарды қайталап айтқызу арқылы балаларға алғашқы математикалық дәріс беретін санамақ жанры кішкентай бүлдіршіндерді алғырлыққа баулиды, зеректікке үйретеді. Мұны ақын санамақтарын оқыған кішкентай оқырмандар да аңғарады.