Гиппенрейтер Ю. Б.: Баламен қарым-қатынас қалай болуы керек?

Юлия Борисовна Гиппенрейтер – Мәскеу мемлекеттік университетінің профессоры, танымал ғалым әрі дарынды педагог, көптеген мақала, монографиялардың, оқу құралдарының авторы. Автордың ғылыми қызығушылықтары таным психологиясынан бастап, тұлға психологиясына дейінгі түрлі салаларды қамтиды. Соңғы жылдары ол практикалық психологиямен қарқынды айналысуда: тренингтер өткізіп, бала және отбасы проблемалары саласында кеңестер береді.
Қолдарыңыздағы кітап 1995 жылдан бері басылып келеді және оқырман тарапынан тұрақты сұранысқа ие болып отыр. Ата-аналарға арналған әдебиеттер нарығында сатылым көшбасшысына айналды.
Мұндай табыстың сыры – кітапта ғылыми тереңдік пен қарапайымдылық түсінікті тілмен берілгендігінде жатыр.
Кітапта автордың жоғары кәсібилігімен қатар бай жеке тәжірибесі де көрініс тапқан. Өйткені өзі де ана, немере-шөбере сүйіп отырған салиқалы әже. Кітапта баяндалған көптеген сюжет оның осы үлкен отбасындағы нақты оқиғалардан алынған.
Баламен қалай қалыпты қарым-қатынас құрған жөн?
Оны қалай тыңдата аламыз?
Тұйыққа тірелген қарым-қатынасты түзеуге бола ма?
Әлбетте, болады!
Қолыңыздағы кітаптан осы және басқа да сұрақтарға жауап таба аласыз, ең бастысы – оларды күнделікті өміріңізде қалай шешуді білетін боласыз.