Құнанбаев Абай : Ішім өлген, сыртым сау

Абай Құнанбаев (1845-1904)
Қазақтың ұлы ақыны, ағартушы, философ, композитор және көрнекті қоғам қайраткері. Абайдың әдеби мұрасына енген өлеңдері, поэмалары, аудармалары және ерекше стильде жазылған философиялық «Қарасөзі» ақынның терең ой толғаныстары мен жан дүниесінің көп жылғы жемісі. Ақынның асыл мұрасы әдебиет тарихында қазақ халқының рухани мәдениетінің шыңы болып табылады. Ұлы ақынның халқына аманат қылып қалдырған философиялық еңбегі данышпан ойшылдың рухани кәмілдігінің дәлелі.

Мазмұны:
- Нұрсұлтан Назарбаев. Құнды рухани қазына
- Роллан Сейсенбаев. Жүз кітап арқалаған аманат
- Ішім өлген, сыртым сау. Өлеңдер
- Қарасөз
- Р. Сейсенбаев. Жан жарасы жазылмаған ойшыл

«...Мен өзім тірі болсам да анық тірі де емеспін. Әншейін осылардың ызасынан ба, өзіме-өзім ыза болғаннан ба, яки бөтен бір себептен бе? - еш білмеймін. Сыртым сау болса да, ішім өліп қалыпты. Ашулансам, ыза бола алмаймын. Сөйлегенім өз сөзім емес, күлгенім өз күлкім емес, бәрі де әлдекімдікі».
Абай