Қырыққа келгенше Элла Рубинштейннің өмірі бірсыдырғы өтіп жатты. Үй шаруасына мығым, керемет шеше, адал жар. Беймәлім автордың қолжазбасы өмірімді түбегейлі өзгертеді деген ой үш ұйықтаса да түсіне кірмеген. «Махаббат шариғатын» оқыған Элла не болып, не қойғанын өзі де ұқпай қалды. ХХІ ғасырдағы Америкада ма әлде ХІІІ ғасырдағы Анадолы жерінде жүр ме? Қайда өзі? Хат жазысып жүрген адамы кім? Роман авторы ма әлде әйгілі, жұмбақ кезбе дәруіш Шәмс-и Тебризидің өзі ме? Санасында сан мың сұрақ. Жүрегін жарып шыққан махаббат өне бойына тарап, өмірін билептөстеді. Бұл билік Элланың неше жыл зарыға күткені ме әлде...