Жұртбай Т. К.: Құнанбай

Тұрсын Жұртбайдың бұл жинағындағы басты нысана – өмірлік шындық пен «Абай жолы» роман-эпопеясында бейнеленген көркем шындықты салыстыра отырып, қазақ тарихындағы жетекші тұлғаның бірі – Құнанбайдың ұлттық руханияттан алатын орнын саралау. Зерттеуге оқырманға бұрын белгісіз архив құжаттары мен қалың қауымға беймәлім қолжазбалар мен мұрағат құжаттары, естелік дәптерлері мен жазбалар барынша мол пайдаланылған. Сонымен қатар ұлы бидің тарихи тұлғасын өз басынан кешкен өмірлік оқиғалар негізінде көркем-сыни көзқараспен саралаған деректі-сахналық әпсана және Құнанбай туралы бүгінгі әлеуметтік ортада қалыптасып қалған қасаң танымдар мен қарама-қайшы пікірлерді талдаған авторлық толғам да ұсынылып отыр. Осы үш арналы саралы толғау қазақ қоғамындағы «мемлекеттік адам» деп танылған ұлы тұлғаны терең танып-білуге негіз қалайтыны кәміл.
Жинақ көпшілік оқырман қауымға арналған.