Килленс Дж. О.: Янгблад (Қайнаған қан)

Американың ашылуы Еуропа тұрғындарына жаңа қоныс, қазыналы кен мекенге, Африканың үбірлі-шүбірлі қара түсті мүскіндері үшін бұл құрлық сорға, қаратүнек дозаққа айналғанын адамзат баласы мойындайды. Жаңа жерді игеруге талпынған еуропалықтар Африка тұрғындарын құлдыққа жегіп, адам саудасының көрігін қыздырды. Сол тарихи құл ету дәуірі сан ғасыр бұрын жойылып кетсе де, нәсілді кемсіту, негрлерді қорлау әлі де болса түпкілікті жойылды дей алмаймыз.
Негр жазушысы Джон О. Килленстің — «Янгблад» (қазақша «Кайнаған кан» деген атпен аударылған) романы АҚШ-тағы негр жұртының жоғарыда айтылғандай нәсілшіл ақтүстілерден шеккен азап-қорлығын сипаттайды. Шығармадағы негрлердің басындағы жағдай бір кездері отарлаушы Ресейдің езгісінде болған қазақтың да қал-күйін көз алдыңызға әкеледі.