Мұратқызы Ә.: Үмітке толы жолдар

Қолдарыңызға алып отырған бұл шағын кітапты кәсіби жазушының шығармасы деп қабылдасаңыздар, қателік болар. Десе де ондағы оқиғаларды кез келген талантты қаламгердің де қиыннан қиыстырып жазып, әр сәтін дөп басып бейнелей алмайтыны айқын. Осы шағын ғана дүниенің салмағы сонысымен биік.

Автор Әнел Мұратова жасөспірім кезінен тағдырдың толқынды теңізіне дара түсіп, қиындықтан өзінің жігер-күшімен малтып шығып отырады. Бала да болса, өмірге ойлы көзімен қарап, өзінше бекем түйіндер жасай алады.

Кітапта негізінен автордың ауырып жүрген кезі, жасалынып жатқан түрлі ота кезіндегі кейіпкер сезімі сөз болады. Дегенмен өзінің айналасындағы жақын жандарының күйзелісін де шынайы суреттей біледі. Жас да болса кейіпкер қиын белестерде қорықпай, қайсарлық таныта біледі. Ауыр оталардан аман өтіп, келесісін де бағындыруға бойынан қарсы тұрар күш пен сенімді оятады.

Ол өз өмірінің әр кезеңін баяндай келе басына қиындық кезіккен жандарды да серпіндіре түседі.