Бисенбаев П., Кәрібозов Е., Мұсалы Л., Нұрәлі Н. : Абайтану. Тандамалы еңбектер. 13т.

«Абайтану. Таңдамалы еңбектер» көп томдық басылымының он үшінші томында М. Әуезовтің «Абай (Ибраһим) Құнанбайұлы» атты іргелі монографиялық еңбегі беріліп отыр. Бұл - уақыт сынынан өткен, абайтану саласындағы ізденістердің негізіне айналған аса құнды еңбек. Онда Абайдың өмірі мен шығармашылығы алғаш рет кең әрі келісті зерттелген. Ақынның өмірі мен шығармашылығы, әдеби мұрасының жанрлық құрамы, көркемдік әлемі, мәдениетаралық байланыстары, ақындық айналасы қарастырылған. Абайтану ғылымында М. Әуезовтің бұл еңбегінің орны айрықша үлкен, оның маңызы мен мағынасы терең, ғибраты мол.
Еңбек орта және жоғары оқу орындарында білім алушы жастарға, жас мамандарға, зерттеушілерге және көпшілікке арналған.
Том 3979/ГФ4 - «Абай Құнанбаевтың шығармашылық мұрасын пәнаралық зерттеу» бағдарламасы аясында дайындалып, жарық көріп отыр.