Баян Мақсатқызы: Баян. Өзім жайлы ғана емес. Акция

Біздің қоғамдағы әйел орыны мен ойлағанна мүлдем басқаша екен. Басыма қиын іс түскенде ғана төмен етектінің соншалықты қорғансыздығына, құқығының сақталмайтындығына, тағдырына көніп жүре беретініне көзім анық жетті. Өз басымнан өткен өте қиын жағдайдан соң ғана мұндай қоғамдық олқылыққа көз жеткізгенім өкінішті. Бір байқағаным қорлық көрген жанға заң қолдау көрсетсе де, адамның «сотынан» қолдау табу арман болады екен. Ондай «соттар» әдетте, «өзіне де сол керектен» басталып, «өзімен кетсінмен» аяқталып жатады. Олардың ойынша сенің жақ ашуыңа, қарсыласуыңа, өз ойыңды білдіріп, шешім қабылдауға мүлдем қақың жоқ. Айтқан тілді алмайсың ба - демек, көресіңді көресің. «Көресіңді» қалай көресің - оны да сен білмейсің. Көрсең де жақ ашпайсың. Біздің қоғам осындай...