Мұхаммед Қайдар Дулат: Тарихи-и-Рашиди

Өлеңдерді аударғандар: ҚР Мемлекеттік сыйлығының иегері Қадыр Мырза-Әлі мен Мәдениет саласының үздігі, ақын Өтеген Нұрмағамбетов.

«Тарих-и Рашиди» шығармасының аудармасы Душанбе, Ташкенттің қолжазба нұсқалары және Теһранда жарық көрген А. Ғаффарифәрд текстологиясы еңбегі негізінде жасалған. Шығыстанушы И. Жеменейдің 2014 жылы Тараз мемлекеттік университетінде жарық көрген парсы тіліндегі текстологиясы да еңбекті аудару барысында пайдаланылды.

Зерттеуші ғалымдарға, тарихсүйер қауымға, дінтану, филология, психология, философия, жағрафия, этнография, саясаттану, және т.б. салалардағы зерттеушілерге берері мол еңбек екеніне сенеміз. Кітапта алғаш рет адам есімдері, жер-су аттары түгелдей қазақ әліппесінің таңбасы бойынша транскрипцияланған.