Твен М.: Том Сойердің басынан кешкендері (жұмсақ мұқаба).

Бұл шығарманы жазу туралы идеяның тууына шіркеуде оқылатын тәртіпті, тіл алғыш балалар туралы кітапшалар себеп болған деседі. Әрдайым тәртіпті жандар жетістікке жететін сол хикаяларға сын көзбен қараған М. Твен әуелі шағын ғана «Жаман бала туралы әңгімесін», кейіннен «Жақсы бала туралы әңгімесін» жазған. Сол әңгімелер Том туралы танымал кітаптың жазылуына бастама болған екен.
Айдай әлемге танымал Том туралы бұл қызықты хикаяны автор әуелде пьеса қылып жазғысы келген, тіпті алғашқы тарауын бастап та қойған. Бірақ ғажайыптарға толы балалардың өмірін сахналық қойылымға сыйғызу мүмкін еместігін түсінген соң, жоспарын өзгертіп, көркем де жеңіл тілмен баяндап шыққан. Драмалық шығармаға тән белгілер кейіпкерлердің кейбір диалогтарында сақталып калған деседі зерттеушілер.