Мұратбеков С.: Жусан иісі

Қолыңыздағы кітапта «сайын даланың Сайыны» атанған жазушының қазақ әдебиетінің көркемдік көкжиегін кеңейткен «Жусан иісі» повесі мен бірқатар әңгімелері беріліп отыр. «Жусан иісі» повесінде әкесі соғысқа кеткен, анасы жоқ, жалғыз әжесі қайтыс болып, соғыстан «ағасын» күткен Аян есімді жеткіншек баланың тағдыры баяндалады. Шығармада соғыс зардабын шеккен халықтың тұрмысы мен қазақ ауылының, замандастарының тыныс-тіршілігі шынайы сомдалған. Ал кітапқа енген басқа да әңгімелерінде адам табиғатының мың сан қатпарлары шынайы суреттелген.
Кітап балалар мен барша әдебиетсүйер қауымға арналады.