Пьюзо М.: Өкіл әке

«Өкіл әке» — Американың ең күшті қылмыс синдикаттарының бірі — дон Корлеоне мафиясы кланының өмірін баяндайтын классикалық роман. Керемет шынайылықпен жазылған кітап ә дегеннен-ақ оқырманды шым-шытырық оқиға иіріміне алып кетеді. Дегенмен шығарманың ерекшелігі қызықты оқиғасында ғана емес, оның қаһармандары — қарапайым адамдар, олар да ауырады, қайғырады, олар да әлсіз, алайда олар үшін гангстерлік — кәдімгі бизнес. Америка жерінде сицилиялықтар онымен өз таңдауы бойынша айналысып жүрген жоқ, автордың айтуынша, қалыптасқан жағдайға, бәсекелестік талабына, қоғамның қысымына байланысты айналысуға мәжбүр…
Нью-Йорк. 1933 жыл. Бүкіл әлем Ұлы дағдарыстың тұңғиығына батып барады. Қылмыстық кландар үшін берекелі заман аяқталып, көп ұзамай «құрғақ заң» жойылады. «Екі қошқардың басы бір қазанға сыймайды». Олардың барлығына бір қаланың тарлық етері сөзсіз. Сол себепті жоғарыда бір ғана клан қалуы керек. Осыны алдын ала болжаған бас кейіпкер Вито Карлеоне енді үлкен соғысқа дайындалады. Қылмыстық синдикаттар арасындағы билік үшін болған тартыста күштілер жеңе ме, әлде айласын асырғандардың бағы жана ма? Жауабын қолыңыздағы кітаптан табасыз.