Давлатов С.: Бай мен кедейдің ойлау стратегиясы

Бәрі бай болғысы келеді. Бірақ қалай баюды білетіндер некен-саяқ. 15 жыл бойы тренинг өткізіп, 11 жыл бизнеспен айналысып жүр екенмін. Неге біреу өмірін гүлдендірсе, басқа біреудің сол іс қолынан келмейтінін түсіндім. Әлдекімдер мақсатқа жетсе, қалғандары сәтсіздікке неліктен тап болатынын ұқтым. Мәселе жоғары білімнің бары не жоғында емес. Кедей әлде ауқатты отбасыда дүниеге келетінің де рөл ойнамайды. Мен 546 табысты адамның өмірін зерттедім. Оның алтауы миллиардер, 204-і мультимиллионер. Олар әртүрлі континетте тұратын, әртүрлі ұлт өкілдері. Табынатын құдайлары да, жас шамалары да әртүрлі. Нәтижесінде неге армандар орындалатынын, береке мен байлық қалай келетінін анықтадым. Сәйкесінше неге біреулер ойлағанын іске асыра алмай, кедей болып өмір сүретіні де түсінікті болды. Білесіздер ғой, адам бала кезде жалқау, қаңғыбас не маскүнем болуды армандамайды. Бәріміздің үлкен арманымыз бар. Әрқайсысымыз өмірде жетістікке жетіп, ата-анамызға көмектескіміз келеді. Бірақ неге біреу дегеніне жетеді? Ал біреу тізесін құшақтап қалады? Осы екі адамның айырмашылығы неде?