Дала фольклорының антологиясы: Ғұрыптық фольклор 6 том

Томға магиялық фольклордың түрлері (бәдік, арбау, бақсылар сарыны, тыйым, ырым, алғыс, қарғыс), кәсіпке және маусымдық ғұрыпқа арналған фольклор мен отбасылық ғұрып фольклорының таңдаулы үлгілері топтастырылды. Ғұрыптық фольклордың жиналу, жариялану, зерттелу тарихында XVIII ғасырдың екінші жартысынан бастап қазақ даласын аралаған саяхатшылар мен зерттеушілердің еңбегі зор. Кейін ұлттық фольклортану ғылымының негізін салған Ш.Уәлиханов, Ы.Алтынсарин, Ә.Диваев, А.Байтұрсынұлы, Х.Досмұхамедұлы, М.Әуезов, С.Сейфуллин еңбектерінде жалғасын тауып, әрі қарай тереңдетілді. Б.Кенжебаев, М.Ғабдуллин, М.Сильченко, Ш.Ахметов, Б.Уахатов, С.Қасқабасов, Ш.Ыбраев, т.б. ғалымдар еңбектерінде ғұрыптық фольклордың кейбір мәселелері ғылыми тұрғыдан тұжырымдалды.