Дала фольклорының антологиясы: Халық өлеңдері 9 том

Томға халық өлеңдерінің таңдамалы нұсқалары енгізілді. Халық өлеңдерін ел арасынан жинау, жариялау, өзге тілдерге аудару жұмыстары ХІХ ғасырдың екінші жартысынан бастау алады. Орынбор қаласында Т.А. Сейдалин мен С.А. Жантөрин жинап, құрастырған «Образцы киргизской поэзии» атты кітап алғаш рет 1872 жылы жарыққа шықты. ХХ ғасырдың басында С.Сейфуллин, І.Жансүгірұлы, С.Мұқанов, М.Әуезов, А.Байтұрсынұлы, Б.Уахатов, Н.Төреқұлов, Қ.Сәтбаев, Ә.Марғұлан, Қ.Қуанышбаев, Ә.Жангелдин, Е.Өмірзақов, Е.Ысмайылов, Қ.Жандарбеков, Ғ.Құрманғалиев, Ә.Қашаубаев, С.Бегалин, Ө.Тұрманжанов сияқты зиялы қауым өкілдері халық өлеңдерінің жиналуына, жариялануына белсенді араласты.