Қыз Жібек. Эпос

Қазақ поэзиясының әліппесі саналатын «Қыз Жібек» жыры ең алғаш 1894 жылдар шамасында Қазанда бастырылған. Кейін жырдың толықтырылған түрі 1896, 1905, 1909, 1911 жылдары Қазанда Хұсайыновтар баспасынан жарық көреді. Бертін келе, 1925 жылы жырдың қазір айтылып жүрген нұсқасын қазақтың ауыз әдебиетін жинаушы Әбубәкір Диваев Ташкентте бастырады. Одан соң аталмыш туынды 1933 жылы Қызылордада, 1939 жылы Алматыда «Батырлар жыры» жинағына енгізіледі. Ұсынылып отырған кітапта «Қыз Жібек» жырының прозалық нұсқасы беріліп отыр. Бұл жас оқырманға ұлтымыздың мақтанышына айналған ауыз әдебиетіміздің інжу-маржандарын жете бағалап, тереңірек түсінуіне жанжақты мүмкіндік туғызбақ. Кітап мектеп оқушылары мен мұғалімдерге, ата-аналарға, сондай-ақ көпшілік қауымға арналған.