Санбаев С.: Аруана

Сәтімжан Санбаев – Қазақстаннан тыс аймақтарда да кең танымал қазіргі прозаның шебері.

Бұл жинаққа автордың үш повесті енгізілген. Солардың ішінде жан толғандырар терең ойлы повесті – «Аруана». Повесте Ұлы Отан соғысының ардагері әрі мүгедегі Мырзағалидың қарапайым өмір тіршілігі, іштей жалғыздық кешіп, алыстан әкелген ботаға бар пейілімен бауыр басуы, бо­таның көз сүйсінер аппақ аруана болып өскені, бірақ туған жерге деген сағыныштан аруананың трагедиялық қа­заға ұшырауы нәзік лиризммен шебер суреттеледі. Автор оқырманына тұрмыс-тіршілік пен адамдардың сыртқы келбетінің көріністерін ғана емес, олардың арасындағы қарама-қайшылықты қарым-қатынастарды, өздері мекен етіп жатқан Жер-Анаға деген сезім мен құрметті айқын бейнелеп берген.

Жинақтағы «Құлпытас құпиясы» және «Көпажал» повестерінде қазақ даласы, оның өткен тарихы мен халықтың ата кәсіпке деген ыстық ықыласы шынайы көрініс тапқан.

Кітап Сәтімжан Санбаев шығармашылығын құрмет­теушілер тарапынан үлкен қызығушылыққа ие болары сөзсіз және 2013 жылы ортамыздан мезгілсіз кеткен танымал қазақ жазушысына деген құрмет болып табылмақ.

Формат: 70x90 1/32 (карманный)