Көбеев С.: Қалыңмал

Спандияр Көбеевтің жазушылық және ағартушылық жолы қалың қазаққа кең танымал. Бұл жинаққа автордың «Қалыңмал», «Орындалған арман» атты романдары, «Үлгілі бала» кітабындағы әңгімелері енген. Жазушы шығармаларына өзінің сан қатпарлы ұстаздық жолын, қалтарыс-бұлтарысы көп ғұмырын, әйел, бай мен кедей, билік пен қара халық арасындағы теңсіздік туралы тақырыптарды арқау еткен. Сонымен қатар коммунистік кезеңнің орнауы мен оның халыққа тигізген әсері жайында өз шындығын баяндаған. Кітап көпшілік оқырман қауымға арналған.