Ақылды ертегілер. Су ертегісі

Жер бетінде ағыны күшті, суы таза, мөп-мөлдір арнасы кішкентай бір ағынды су болыпты. Ол тау басындағы кішкенне бұлақтан бастау алады екен. Су тастан-тасқа шапши секіріп, жарысады. Көңілді сылдыр қағады. Басқа бұлақтармен қосылып, шағын өзенге айналып, тау етегіне қарай асығады. Ылдилаған сайын, ені жайылып, кеңейе түседі.
Бұл өзеннің аты - Іле. Іле тастарды басып, жоталарды, тоғайларды жағалай ақты. Оның суында неше түрлі балықтар, шаяндар, былқылдақ денелі ұлулар болды.