Асықова Ж. : Қазақ лиро-эпостық жырлары

Лиро-эпостық жырлар дегенде балалардың аузына ең алдымен «Қозы Көрпеш - Баян сұлу», «Қыз Жібек», «Айман - Шолпан» ілінері даусыз. Өйткені бұл туындылар туралы кинолар да, сахналық қойылымдар да, әдеби кітаптар да баршылық. Сол үшін де ұсынылып отырған жинаққа жеткіншектерімізге әлі аса таныс емес «Дандан мен Нәркес», «Ахмет пен Нүрилә», «Нұғман - Нағиманның қиссасы» деген үш дастан енгізілді. Бұрын беймәлімдеу болып келген шығыстық үлгімен жырланған бұл шығармалар жас өрендердің ой-өресін кеңейтіп, білік-танымын арттыра түсері сөзсіз.