Булгаков М. А.: Майталман шебер мен Маргарита

«Майталман шебер мен Маргарита» романы аса күрделі тарихи кезеңді қамти отырып, өнерге адалдық пен тазалықты биік танымда суреттеп берген. Автор бір-біріне ұқсамайтын, бір-бірімен үйлеспейтін оқиғаларды шебер жымдастыра отырып, ізгілік пен зұлымдықтың тайталасын көрсетеді. Шығармасында психологиялық сәттерді қиял-ғажайыптармен шебер астастырады: аспанда ұшып жүрген адамдар, кәдімгі кісіше сөйлейтін мысық, т. б. Шығарманы XX ғасырдың 20–30 жылдарындағы жазушы назарына іліккен қала өмірінің сатиралық жылнамасы деуге де болады. Булгаков осы бір туындысымен орыс әдебиетін жаңа жанрмен байытты. Мұнда сатира, фарс, фантастика, мистика, мелодрама, философиялық астарлы әңгіме сияқты көптеген жанр элементтері қамтылған.