Ваш город:Алматы
От Вашего выбора зависит стоимость и дата доставки
Безопасная оплата
Возврат 14 дней
Доступна рассрочка на 4 месяца
Матилда Уормуүдтің әкесі қызын адамды мезі қылатын қыңқылдақ деп санайды. Анасы болса
таң атқаннан кеш батқанша Бинго ойнаудан қолы тимейді. Ал мектеп директоры
мисс Транчбұл ше? Одан өткен Зұлым адам жоқ шығар. Оқушылардың бәрін оңбаған санайтын нағыз тиран, балаларды тар қапасқа қамап қорқытады.
Матилда – ақылы ерте толысқан, ерекше қабілетті қыз. Ол енді ешкімнен жәбір көргісі келмейді.
Шектен шыққан ересектер аяғын аңдап басатын кез келді...
Бес жасар ерекше дарынды бала туралы, тағдырдың тәлкегі мен әділетсіз өмірдің қилы тосқауылынан қалай жол тауып өтетіні жәйлы бұл ертегі оқыған кімді болса да қызықтырмай қоймайды. Бұл кітап әдеттегідей жәй ғана оқылмайды, қолыңа алып бастасаң болды кеудеңді кере таза ауа сіміргендей жұтып қоясың. Бала мен ата-ана және ересектер арасындағы қайшылық, текетірес хикаясын өткір мысқыл, әзіл оспақ, шынайы әжуамен автор шебер өрбітеді.
Автор туралы:
Руад Даһл (Roald Dahl) Аңглияға Норвегиядан көшіп келген эмигранттар отбасында 1916 жылы дүниеге келген. Ол Дэрбидегі Рэптон орта мектебін бітірген соң, “Шелл” мұнай кәсіпорнына жұмысқа тұрып, “Шелл”-дің Шығыс Африкадағы өкілетті өкілі қызметін атқарады. Екінші дүниежүзілік соғыс басталғанда ұшқыш мамандығын меңгерген Роалд Дал Британ әскери-әуе күштерінің құрамына кіріп, майданның алғы шебінде шайқасады. 1942 жылы ауыр жарақат алған соң Вашиңгтондағы елшілікке әскери атташенің көмекшісі ретінде ауысады.
Роалд Дал сол кезден бастап майданда көргендерін қағазға түсіріп, шығармашылық жұмыспен айналыса бастайды.