Айымбетов М.: Бопай ханым

Аталған тарихи роман он сегізінші ғасырда өмір сүрген қазақтың бас ханы Әбілқайырдың жары Бопай Сүйіндікқызының өмірнамасына арналған. Сол кезеңде қазақ халқын неше түрлі жаугершілік амалымен өзіне тәуелді етуге жанталасқан орыс билігіне қарсы тұрған хан ордасының әскери-саяси өмірі — шығарманың негізгі арқауы. Бодан болып жан сақтауды емес, теріскей көршімен келісім жасау арқылы ынтымақтаса отырып өз елінің бүтіндігін сақтауды көздеген Әбілқайыр ханның тағдырындағы Бопай ханымның орны шынайы да әсерлі бейнеленген. Романның басты көркемдік қағидасы – төл тарихымыздың қалтарысында күні бүгінге дейін бұрмаланып келген шындық пен ақиқатты көрсету.